البخل
====
كان لينا جار غنى وبخيل يحب يكنز واسمه شاهين
صاحب العمارة وعزبة كمان ودايما يشاكل فى السكان
ويحب يمشى كده ببلاش وهو طالع على المعاش
ويشتكى ده لطوب الارض من الغلا بالطول والعرض
فى السوق يفاصل فى الاسعار ويقول لهم حتخشوا النار
ودايما يناكف كده ويزيد ويلبس فى بدلة بكم جديد
وعدوه يعنى يوم العيد ويتمنى يخلف فى المواعيد
ومراته صابرة وولاده كمان وهو يكنز كده فى المال
ويطلبوا طلبات دى حلال وصريخه يوصل الى الجيران
بالرفض يعنى وضيق الحال والشكوى منهم والسكان
ويحب ياكل دايما فول ويقول ده تمنه مش معقول
ده اكل يعنى اى فقير وسعره برضه بيغلى كتير
ولو قالوا له الصحة اهم يقول فلوسى تشفى ولو
دى هى زادى وصحبى كمان وسلاحى فى جميع الاحوال
ولو فى مرة مال الحال اقدر اصلح كده بالمال
واهله وولاده عايزين وهو عنده بالملايين
ويقول منين ده انا عبد فقير وديونى معروفة وكتير
وفجأة جاله مرض وخطير خلاه طريح ولوقت كبير
يبكى ويندم بدمع العين ويقول ياريتنى فضلت سليم
وولاده صرفوا برضه المال وجاله جلطة كده فى الحال
ابخل واطمع ياابن دلال بكره تسيبوه ويروح المال
ولا نفعه كنز ولا الاموال او يعنى منصب ولا حتى عيال
فى الحفرة متغطى برمال وسابوه الاهل مع الخلان
ده اللى بينفع هو ايمان وعمل يباركه الرحمن.
مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون
الرئيسية