سمسار أغانى // بقلم الشاعر يوسف الحمله

[center][img]https://i.servimg.com/u/f18/19/24/79/41/a35.jpg[/img]
[/center]
[center]
[h2]هذه القصيده أهديها إلى صديقي الشاعر الكبير الشاعر محمد حكيم متضامن معه في حملتة ضد الفن الفاسد
سمسار أغانى
*************
على قهوة بوسط البلد
لقيت سمسار أغانى
قاعد مفرود الولد
متقولش بيرم التاني
قلت له شغال ايه
رد بعنجهية الجهلاء
وقالي شغااال مقص
أقص والزق يا بيه
والدنيا هُس هُس
سألته عن العَروض
وعن شعر التفعيلة
إتغير وشه وقالي
يادي الشوره النيله
عَروض ايه وتفعيلة ايه
بص ياابني
الورق بيجيني مكتوب
وأنا بخده وبرص عليه
كام كلمه زي رص الطوب
وعشان أنا إسمي معروف
قادر أبيع أي شئ
لو حتى مش مطلوب
واديك شايف
الشباب مش لاقية تاكل
وأنا بعرض عليهم يا بيه
في الاغنية 200 جنيه
قلت له ده سرقه وتسول
قالي سرقه ودي عارفنها
وتسول كيف بقى يا أمير
قلت له تسول أفكار الغير
قالي يا سيدي
إنتو عليكم بالتفكير
وأحنا علينا بالتمويل
وغمض عينك تاكل ملبن
وفتح عينك هتفضل صغير
ولسه ياما هنشووووووف
وعلى الفن السلام ؟؟؟؟؟
**************
سمسار أغاني
بقلم الشاعر يوسف الحمله
14/6/2015[/h2]



[/center]