فراشتي
...............................................................................................
كائنها صوره وأتجمعت
~~~~~~~~~~~~
كائنها صوره وأتجمعت
ما بين أمواج البحر
وبين سنين العمر
ما بين السهر والنوم
ما بين ساعات اليوم
وما بين فرح يبان مهموم
او حلو لكن بطعم المر
مين كان حر
لما زرعتي صورتك جوايا
وسبتيني أنحت فــ الصخر
لما دخلتي دنيايا
صليتك فــ كل ليلة فجر
ودعيت ربي بيكي
ولو القدر وما كتبش
يرزقنا جمال الصبر
مش كل الكلام كان حبر
ولا كل الصور لقطه
وجودك كتاب مفتوح
وغيابك مهوش نقطه
لاني عشقتك روح
وكنتي خيال مسموح
ده كان الحمام بيبوح
يام الدموع فضه
الصوره مش ثابته
والمصير كان مجهول
طب قولي م الاول
ان البعاد هيطول
الصوره مهزوزه
والكادر مهوش واضح
يمكن كنت نايم
فكان الخيال سارح
دمع العنين فاضح
بس لجنابك ستره
مهما اللي كان رايح
انا لسه شايفك بكره
زرعتك فــ روحي شجره
فروعها اتلضمت جوايا
صعب تبقي فــ يوم ذكرا
وأنتي فــ كل وقت معايا
بــ قلمــــ محمد عبدة ./