بقيت حاير // هشام عوض محمد

[center][font:87ef=Courier New][h3]
[img]https://i.servimg.com/u/f18/19/24/79/41/a36.jpg[/img]
بقيت حاير
-----------
------------------------
يمين بالله وبستعجب
يمين بالله ومتحير
نفوس الناس بقت تقلب
ولحظه بلحظه تتغير
-
يكون عالم وشيخ شامخ
وفجاء الغدر يحلاله
وسنه كبير وشيخ شايخ
وناسي الآخره قلناله
-
يجيك بالحب والأحضان
تقابله بفرحه وترحب
ولما تعاهده ماله أمان
وشال الشيله قام يهرب
-
لكن صاحي ولابْدّله
ومستني يخون عهده
ويوم ورا يوم بعدْدله
وغلطه بغلطه من عَنْده
-
حسبت كتير وعدّتله
وكان باين وغدره معاه
وسكه بسكه سدّيتله
وراح ماشي وخيبته وراه
-
مخدش كتير لكن واخد
وإيه يعني أخدله فتات
بتاكله النار ومش قاعد
وراح قايم بسرعه وفات
-
سلام والقله مكسوره
وسكّرنا وراك الباب
سلام والنفس محسوره
ماتستهال نلوم وعتاب
-
نفوس حاقده مابتحسش
ومش عارف غرضهم إيه
ومهما تحب ماتحبش
ماليها الغل نعمل إيه
-
لكن ربك وفوق شاهد
بيمهل يوم مايهملشي
وبالمرصاد فـ يوم واعد
هتدخل نار ماتخرجشي
--------------------------
------------------------------------
بقلمي ..... هشام عوض محمد
الأربعاء ..... 10 - 06 - 2015 م
-----------------------------------
[/h3][/font][/center]